හිරු මත ඇති මුලද්‍රව්‍ය

හිරුගේ ස්කන්ධයෙන් ¾ ක් ම සමන්විත වන්නේ හයිඩ්‍රජන් වලිනි . මිනිසා දැනට සොයා ගෙන ඇති සැහැල්ලුතම මුලද්‍රව්‍යය මෙය වේ .ඉතිරි හතරෙන් පංගුවම වාගේ සමන්විත වනනේ හීලියම් වලිනි.හීලියම් වායුව පොළවෙන් සොයා ගැනීමට පෙර තාරකා විද්‍යාන්‍යායින් හිරු මතින් එය සොයා ගත්හ . හීලියම් යනු ග්‍රීක භාෂාවෙන් හිරු යන අරුත ඇති පදයකි . හයිඩ්‍රජන් හා හීලියම් වලට අමතරව තවත් මුලද්‍රව්‍ය 70 ක් පමණ හිරුගෙන් මේ වන විට සොයා ගෙන තිබේ . කෙසේ වුවද මේ මුලද්‍රව්‍ය සියල්ල එකතු කලද එය මුළු සූර්යය ස්කන්දයෙන් 1% ක් හෝ 2% ක් තරම් සුළු කොටසකි . විද්‍යාන්‍යායින් හිරු මතට නොගොස් හිරු මත ඇති මුලද්‍රව්‍ය හඳුනාගන්නේ හිරුගෙන් නිකුත් වන ආලෝක වර්ණාවලිය හැදෑරීම මගිනි . ඕනෑම මුලද්‍රවයක් මගින් ඇතිකරන වර්ණාවලිය එයටම අවේනික වේ .හිරු එළියේ වර්ණාවලියේ අදාල මුලද්‍රව්‍යයට ගැලපෙන වර්ණාවලි රේඛා ඇත්දැයි සොයා බැලීමෙන් හිරු මත එම මුලද්‍රව්‍යය ඇතිදැයි සොයා ගත හැක .

සූර්යය සංයුතිය ගැන අද්‍යනය කර ඇති විද්‍යානයින් විසින් හිරු සතුව ඇති රසයාන මුලද්‍රව්‍යන් 67 ක් නාමාවලි ගත කොට ඇත. මීට අත්මතරව හිරු මතුපිට , උපකරණ වලට අනාවරණය කරගත නොහැකි තරමේ කුඩා ප්‍රමාන වලින් සමන්විත මුලද්‍රව්‍යද අඩංගු විය හැක.පහත වගුවේ දක්වා ඇත්තේ හිරු මතුපිට බොහෝ සුලබව ඇති මුලද්‍රව්‍යන් 10 කි.

මුලද්‍රව්‍යය	බහුලත්වය (පරමාණු එකතුවේ ප්‍රතිශතයක් ලෙස)	බහුලත්වය (ස්කන්දයන්ගේ එකතුවේ ප්‍රතිශතයක් ලෙස )
හය්ද්‍රජන්	91.2	71.0
හීලියම්	8.7	27.1
ඔක්සිජන්	0.078	0.97
කාර්බන්	0.043	0.4
නයිට්‍රජන්	0.0086	0.096
සිලිකන්	0.0045	0.099
මැග්නිසියම්	0.0038	0.076
නියෝන්	0.0035	0.056
අයන්	0.03	0.014
සල්ෆර්	0.015	0.040

 වගුව : සූර්යය සංයුතිය

සූර්යයා විශ්වයේ සිට පෙනෙන අයුරු