සූර්යයා

අපගේ නිර්මාණ කරුවා :

මහා පොළොවේ වෙසෙන්නන්ට සූර්යයා තරම් වැදගත් අන් ආකාශ වස්තුවක් නොමැත. කාන්තාවකගේ මුහුණේ සුන්දරත්වයේ පටන් පොළොවේ අයිස් යුගය දක්වා පරාසයක වූ විවිද බලපෑම් සූර්යයා පදනම් කොට ගෙන තිබේ .

විවිද ජන කොටස් වල ආරම්බය පිලිබඳ පැරණි කතන්දර වලටද සූර්යයා සම්බන්ද කෙරේ . සිංහලයින් හැඳින්වීමට යොදා ගැනෙන ‘හෙළ’ යන පදය සූර්යයා හැඳින්වීමට යොදා ගන්නකි .සූර්යයා පිලිබඳ තාරකා විද්‍යාත්මක ඇසකින් බැලීම ආරම්බ වන්නේ ක්‍රිස්තු පූර්ව යුගයට අයත් චීන ලේකන වලිනි .සූර්යය ග්‍රහණයක් පිළිබද කල්තබා අනාවැකි පලකිරීමට නොහැකි වූ සයි හා හෝ නම් තාරකා විද්‍යනයන් දෙදෙනකුගේ හිස ගසා දැමු බව මෙවන් එක් චීන ලේකනයක සඳහන්ය . මේ සූර්යය ග්‍රහණය සිදුවී ඇත්තේ ක්‍රි .පූ 2137 ඔක්ටෝබරයේදීය . හිරු ලප පිලිබඳ යයි සැලකිය හැකි පළමු සටහන තබා ඇත්තේ ක්‍රි . පූ  800 චීන ජාතික විද්‍යනයෙක් විසිනි . ඔහු දීප්තිමත් ‘ හිරු මත වූ අඳුරු පෙදෙස් ‘ වර්ගයක් පිලිබඳ සටහනක් තබා ඇත .

ක්‍රි .පූ 5 වැනි සියවසේ ග්‍රීසියේ ඇතැන්ස් නුවර සිටී දාර්ශනිකයකු වූ ඇනක්සගොරස් සූර්යයා ගිනියම් වූ ගිනියම් වූ යෝධ යකඩ ස්කන්දයක් යයි කීවේය . ඊගස්පොටාම් නම් නගරයට දිවා කාලයේදී ඇද වැටුණු උල්කාපාතය හිරුගේ සිට පමිනියය් කියා සිටී ඔහු හිරු ප්‍රාමානයෙන් පෙලෝනියුස් නුවරට වඩා විශාල යැයි කියා සිටියේය . හිරු දෙවියන් පිලිබඳ බලධාරීන් ඇනක්සගොරස්ට තර්ජනය කල අතර දෙවියන් පිලිබඳ කඩාකප්පල්කාරී මත පලකිරීම නිසා ඔහුව ඇතැන්ස් නුවරින් පන්නා දැමිණි .

සෞර ග්‍රහ මණ්ඩලයේ කේන්ද්‍රය සූර්යයා බව කියා සිටී නුතන තාරකා විද්‍යාවේ පියා වශයෙන් සලකන නිකොලස් කොපර්නිකස්ටද තම මතය පල කිරීමෙන් අත් වුයේ එබදුම ඉරණමකි. ඇනක්සගොරස් වැන්නන් පලවා හැරීමෙන් දිවි ගලවා ගත්තද ගියරෝදා බ්රුනෝ වැන්නෝ සූර්යයා පිලිබඳ අදහස් පල කිරීම නිසා ගිනි තබා මරා දැමීමට ලක්වූහ .කෙසේ වුවද සූර්යයා පිලිබඳ දැනීම වර්දනය වීමට මුල් යුගයේ මේ ආකාරයේ විශාල බාධා පැවතියත් සූර්යයා පිලිබඳ දැනුම වැඩෙන විට ඊට සමාන්තරව සූර්යයා පිළබඳ පැරණි අදිපති වාදී විශ්වාස රැසක් අබාවයට ගියේය . වසර දහස් ගණනක් ඈතට දිවෙන හිරු දෙවියන්ගේ වගතුග හරා ඇවිස්සීම මිනිස් ඉතිහාසයේ වැදගත් සංදිස්ථාන රැසක් ගැන තොරතුරු අනාවරණය කර ගැනීමකි .

1990 දී ගුවන් ගත කල යුලිසිස් චන්ද්‍රිකාව 1994 වසර අග බාගයේදී හිරුගේ දකුණු ධ්‍රැව පෙදසට ඉහලින් ගමන් කර ඇත .ඇත්ත වශයෙන්ම යුලිසිස් වූ කලී හිරු දෙවියන්ගේ උතුරු දකුණු කෙලවර වෙත ලඟා වන මිනිස් අතින් තැනුණු පලුමු වස්තුවයි .1993 වර්ෂයේ ඔක්තෝබර් 12 වන විට යුලිසිස් සූර්යය දක්ෂිණ අක්ෂාංශ 37 තරම් පහල මට්ටමකට ගමන් කර ඇත .ඒ වනවිට එය සූර්යයාගේ සිට නක්ෂත්‍ර එකක 3.95 ක දුරින් හිරුගේ දක්ෂිණ ධ්‍රැවය දෙසට ගමන් කරමින් තිබුණි ( නක්ෂත්‍ර ඒකකය යනු පොලවේ සිට හිරුට ඇති සාමාන්‍ය දුරයි . මෙය කිලෝමීටර මිලියන 150 ක් පමණ වේ ).

පොලවේ සිට හිරු වෙත යැවූ චනද්‍රිකා වක් පොළවෙහි සිට හිරු වෙත ඇති දුර මෙන් සිවු ගුණයක් එපිටට ගියේ කෙසේද ?. හෝමර්ගේ ඔඩිසි වීර කාව්‍යයේ එන වීරයාගේ නම ලබා ඇති ග්‍රීකයන්ගේ වීරයා වූ යුලිසිස් පරංගියා කෝට්ටේ ගියා වගේ මෙබඳු ගමනක යෙදී සිටීමට හේතුව එය ඉතා සුවිශේෂ ගමනක යෙදීමයි. යුලිසිස් ගමන් මාර්ගය සූර්යයාගේ ධ්‍රැව පෙදෙස් වලට ඉහලින් යෙදුනු අනෙක් චන්ද්‍රිකාවල ගමන් ගමන් මාර්ගයට වඩා වෙනස් වූ මාර්ගයකි . ග්‍රහලෝක වෙත යැවුණු චන්ද්‍රිකා සාමාන්‍යයෙන් ගමන් කරන්නේ සූර්යයාත් එය වටා යන ග්‍රහලෝකවලිනුත් තැනුණු තලයක් ඔස්සේය .

යුලිසිස් හිරු වෙතට ලං වූ  යේ ක්‍රාන්ති තලයට ලම්බක වූ තලයකය . හිරුගේ ධ්‍රැව වටා යෙදෙන මේ වර්ගයේ ගමන් මාර්ගයකට චන්ද්‍රිකාවක් කෙලින්ම ඇතුළු  කිරීමට අති  විශාල ශක්ති ප්‍රමාණයක් අවශ්‍යය වේ . එම අතිරේක ශක්තිය ලබා ගැනීමට යානාව සැලසුම් කල නාසා ආයතනයේ හා යුරෝපා ආභ්‍යවකාශ ඒජන්සියහි විද්‍යාන්‍යයන් බ්‍රහස්පතිගේ ගුරුත්වාකර්ෂණ බලය සමග පොඩි පහේ සුදුවක් කළහ .ඔවුන් බ්‍රහස්පතිගේ උතුරු පෙදෙසට ඉහිලින් යානය ගමන් කරන්නට සලස්වා සෞර ග්‍රහ මණ්ඩලයේ යෝධයාගේ ගුරුත්ව බලය උපකාර කරගෙන යුලිසිස්ක්‍රාන්ති තලයෙන් පහලට දිවෙන මගක් වෙත යොමු කළහ. කෙසේ වුවද කල දුටුකල වල ඉහගන්නා තාරකා විද්‍යාන්‍යායෝ බ්‍රහස්පති පිලිබඳ අධ්‍යනයටද යුලිසිස් යොදා ගත්හ . 1995 වර්ෂයේදී ක්‍රාන්ති තලය පසාරු කරගෙන සූර්යයාගේ උතුරු දිග සිට දකුණු දිගට ඇතුළුවූ යුලිසිස් සූර්යය සුළඟ , සූර්යයාගේ කාන්දම් බලය පැතිර ඇති ආකාරය සූර්යයාගෙන් නිකුත් වන රේඩියෝ තරංග ප්‍රවාහ , ආරෝපිත අංශු ප්‍රවාහ හා එක්ස් කිරණ පිළිබඳවත් හිරුගෙන් නිකුත් වන කොස්මික් කිරණ දාරා අධ්‍යනයහිත් නිරත විය .

සෞර ග්‍රහ මණ්ඩලයේ ප්‍රදානියා ලෙස සැලකෙන සූර්යයාද මේ විශ්වය පුරා පැතිරී සිටින අනෙකුත් තාරකා මෙන් මද්යම ප්‍රමාණයේ තාරකාවකි . සූර්යයා අපගේ සෞර ග්‍රහ මණ්ඩලයේ කේන්ද්‍රය වන අතර එයට තම අක්ෂය වටා බ්‍රමනයට දින 30 ක් ගතවේ . සූර්යයා මත ඇති අදික උස්ණත්වය හේතු කොටගෙන එය කහ පැහැයට හුරු සුදු පැහැ යකින් යුක්ත වේ. මෙහි මතුපිට උෂ්ණත්වය කෙල්වින් 5778 ක් වන අතර සූර්යය අරය කිලෝමීටර 696 000 කි. පෘථිවියෙහි සිට සූර්යයාට දුර කිලෝමීටර මිලියන 150 කි. සූර්යයා මත ගුරුත්වාකර්ෂණ බලය පෘතුවියෙහි මෙන් 20 ගුණයක් පමණ වේ . පෘතුවියෙහි ශක්ති සැපයුම් කරු අපගේ සූර්යයා වේ .