පූර්ණ සූර්යය ග්රහණයක් කැමරා ඇසින් දහවල එකවරම අඳුරු විය යන එන මං සොයා ගත නොහැකිව කුරුල්ලෝ වල්මත් වුහ. ලෝකය ආලෝකවත් කරන හිරු දෙවියන් විශාල මකරකු විසින් ගිලගෙන ඇත. ඒ පැරැන්නන් සූර්යය ග්රහණය ගැන සිතු ආකාරයයි. ඉතිහාසයේ සූර්යය ග්රහණය ගැන මුලින්ම වාර්තා වන්නේ චීනයෙනි. එහි කියවෙන පරිදි ක්රි .ප 2137 ඔක්තෝම්බර් මස 22 වැනිදා චීනයේ සූර්යය ග්රහණයක් සිදු වී ඇත. ශ්රීලංකා වාසීන්ට අමතක නොවන සූර්යය ග්රහනයක අත්දැකීම් ලැබුවේ 1955 ජුනි 20 දාය . එදා බොහෝ දෙනෙක් වද කහ දියරය පානය කළහ. සුන්දරත්වය ලඟා කර ගැන්ම කෙසේ වෙතත් එවන් පුද්ගලයන්ගෙන් එදා රෝහල් වාට්ටු පිරී ගිය අයුරු සමහරු අදත් සිහිපත් කරන්නේ උපහාසයෙන් යුතුවය. හිරු ගිල ගන්නට මකරුන් නැති බව අද අපි දනිමු. එසේ නම් සූර්යය ග්රහනයකදී සිදු වන්නේ කුමක්ද? අපගේ සෞරග්රහ මණ්ඩලයේ අදිපති හිරු කේන්ද්ර කොට ගත් මගක පෘතුවිය ගමන් ගනී. පෘතුවිය වටා වූ ගමන් මගක් ඔස්සේ චන්ද්රයාද ගමන් ගනී .සිය ගමන් මගේදී මෙම ආකාශ වස්තුන් තුන එකම සරල රේඛාවකට පැමිණිය හැක. එවන් අවස්ථාවක මෙම වස්තුන් පිහිටා ඇති තැන අනුව ග්රහණයක් ඇතිවිය හැක. ග්රහණ ප්රධාන වශයෙන්...